ឯកឧត្តម កែ កឹមយ៉ាន ៖ គ្មានការថយចុះនោះឡើយ ការចែកចាយគ្រឿងញៀននៅតាមភូមិ- ឃុំ
19-March-2019 | ដោយ ពល បញ្ញា
រាជធានីភ្នំពេញ ៖ ឯកឧត្តម កែ កឹមយ៉ាន ឧបនាយករដ្ឋមន្ត្រី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន បានថ្លែងបញ្ជាក់ថា ទោះបីជាមានការបង្ក្រាបគ្រឿងញៀនពីអាជ្ញាធរមានសមត្ថិច្ចខ្លាំងយ៉ាងណាក៏ដោយតែការចែកចាយគ្រឿងញៀននៅតាមទីជនបទភូមិ-ឃុំ គ្មានការថយចុះនោះឡើយ ។
ថ្លែងក្នុងកិច្ចប្រជុំស្តីពីលទ្ធផលការងារត្រួតពិនិត្យគ្រឿងញៀនឆ្នាំ២០១៨ និងទិសដៅការងារឆ្នាំ២០១៩ នៅថ្ងៃទី១៩ ខែមីនា ឆ្នាំ២០១៩ ឯកឧត្តម បានបញ្ជាក់ថា ពីមុនខ្ញុំសន្និដ្ឋានថា ករណីគ្រឿងញៀនវា នឹងអាចថយដោយសារចាប់ករណីធំៗបានច្រើន ប៉ុន្តែការចែកតាមភូមិ-ឃុំហ្នឹង គឺវាមិនថយនោះឡើយ ។
ក្នុងឱកាសនោះ ឯកឧត្តម ក៏បានអំពាវនាវដល់ស្ថាប័នពាក់ព័ន្ធទាំងអស់ត្រូវរួមគ្នាស៊ើបអង្កេតស្វែងរកម្ចាស់ និងអ្នកពីក្រោយខ្នងនៃការនាំចូលនូវគ្រឿងញៀននេះបន្ថែមទៀតក្នុងគោលបំណងធ្វើយ៉ាងណាឲ្យករណីគ្រឿងញៀននេះមានការថយចុះ ដើម្បីធានាសុវត្ថិភាពជូនដល់ប្រជាពលរដ្ឋក៏ដូចជា សង្គមជាតិផងដែរ ៕
ចំនួនអ្នកទស្សនា
- ថ្ងៃនេះ4391
- ម្សិលមិញ11441
- សប្តាហ៍នេះ34221
- ខែនេះ149371
- ឆ្នាំនេះ149371
- សរុប20591827